Kategori: Artikel Sunda | Diterbitkan pada: 15-08-2008 |
Ku DHIPA GALUH PURBA
PENYIAR radio mah moal maot sanajan dipaéhan ogé. Bisi cangcaya, pék cobaan paéhan radiona, dijamin sorana bakal tetep ngalingling wiati, ngalanglang jomantara, ngaprak ka jero kamar, ngasruk ka warung-warung, mabal kana kandaraan, jeung merejel tina radio-radio butut jeung alus. Najan télévisi geus mipir pasir tug nepi ka tepiswiring, tapi radio moal saateun nu ngogo. Aya sawatara perkara anu teu bisa dirangsadan tina kahirupan radio, sarta ukur dipibanda ku radio.
Tapi penyiar radio ogé manusa biasa, anu henteu ngadadak dugal lamun dihurup ku lobaan. Kemis, 7 Agustus 2008, Wawan Hérawan alias Bah Rénggo (l. Subang, 26 Januari 1964), jadi korban kagangasan kurang-leuwih 30 urang aktivis Barakataktak (Barisan Rakyat Tak Kenal Takut). Bah Rénggo téh penyiar acara “Subang Makalangan” di Radio Duta Suara Subang (DSS), anu dijomantarakeun di Jln. Raya Dangdeur Subang. Bah Rénggo diserang ka studio DSS, kalayan dikaniaya di dinya, tug nepi ka kudu dirawat di rumah sakit.
Saliwatan mah ngaran LSM Barakataktak téh mani mirip jeung rubrik “Barakatak” di Majalah Manglé. Bédana, ari “Barakatak” Manglé bisa ngalantarankeun nu maca nyakakak, ari LSM Barakataktak mah kalah matak muringkak bulu punduk. Nurutkeun sawatara sumber, LSM Barakataktak téh diadegkeun ku Bupati incumbent Subang, Eep Hidayat. Pangna éta LSM ngajorag radio DSS téh lantaran Bah Rénggo sok ngritikan waé Eep Hidayat.
Leupas tina kasangtukang pasualanana siga kumaha, ngajorag studio radio jeung nganiaya penyiar mangrupa pagawéan anarkis. Ieu kajadian ogé sakaligus nuduhkeun héngkérna panyalindungan kaamanan pikeun penyiar radio. Umumna, honor penyiar radio téh henteu gedé. Geus mah honorna ngan sakikituna, ditambah deui ku ancaman jéger-jéger bayaran, anu siap diparéntah pikeun nandasa penyiar ku saha baé nu daék nyiapkeun waragadna.
Tragédi anu tumiba ka Bah Renggo, penyiar DSS anu ogé sapopoéna mancén jadi guru SMAN 3 Subang, perelu jadi bahan pieunteungeun peur para penyiar radio séjénna. Sanajan, upamana, Bah Renggo aya dina posisi salah, tetep wé tindakan anarkis mah henteu dibenerkeun! Bah Rénggo atawa penyiar radio séjénna, bisa waé kacalétot létah nepi ka alah ucap, da puguh penyiar ogé manusa biasa. Tapi upama aya hiji jalma atawa sakelompok anu ngarasa dirugikeun ku caritaan penyiar, apan bisa ngamangpaatkeun hak jawab. Media
Balik deui kana pasualan penyiar. Salila ieu tacan aya organisasi anu merjuangkeun “daya tawar” penyiar jeung sawatara pihak, kaasup manajemen radio anu sakapeung sok sangeunahna mecat peyiart. Mayoritasna penyiar ukur jadi “tanaga kontrak” anu bisa dieureunkeun iraha baé sabada kontrakna béak atawa dianggap ngarempak aturan. Kitu sakumaha anu ditulis ku penyiar jeung penulis buku jurnalistik, Asep Syamsul M. Romli dina blogna. Ku kituna, lumrah pisan dina kaayaan penyiar dikaniaya, taya hiji organisasi nu nyoara. Organisasi mana nu wani nyoara dina mangsa Bah Rénggo digarebugan ku préman-préman bayaran di hareupeun radiona? Euweuh hiji-hiji acan.
Bulan Juli kaliwat, di hiji rumah makan anu perenahna di Jalan Malabar,
Abah Rénggo keur maca sajak Sunda di GGM, Jl. Merdéka, Bandung
Ieu tulisan dipungkas ku ngutip tarjamahan Qur-an Surat Luqman: 19, anu hartina kirang-langkung: ”Jeung sing basajan anjeun dina ngaléngkah sarta sing halimpu sora anjeun. Satemenna sagoréng-goréngna sora téh nyaéta sora kaldé.” Écés pisan, da kaldé pamohalan maca buku komunikasi jeung diajar olah vokal. Anu antukna, kaldé moal apaleun iraha kudu nyarita jeung iraha ulah nyarita, tur kumaha carana sangkan sora halimpu. Antukna saréréa panuju yén kaldé jadi kiasan pikeun ngagambarkeun jalma bodo, tuig nepi ka dina basa Indonésia aya paribasa “Keledai hendak dijadikan kuda”, anu hartina jalma bodo hayang disaruakeun jeung anu pinter. Sanajan kuda ogé asa kurang loyog dikiaskeun jadi “jalma pinter”, tapi keun baé… antepkeun wé kaldé nu nyoara ka kuda, atawa kuda nu nyoara ka kaldé, da duanana ogé pamohalan jadi penyiar radio. Ukur manusa nu bisa jadi penyiar, tur siaranna pikeun didangukeun ku manusa.***
Catetan:
Salaku penyiar, daék-teu daék cimata kuring bedah ngadéngé penyiar radio nu dikakaya taya ras-rasan. Ku kituna, aing jeung sawatara penyiar, siap démotrasi turun ka jalan lamun kasus Bah Rénggo ngabuntut bangkong. Cerek sakabéh ulon-ulonna, sabab
Satuju kang!!! abdi penyiar radio ti ciamis siap ngarojong! ulah diantep, tuman lah jalma arogan teh…!!!
kontak email abdi pami bade ngumpul2 deui. merdekaaaaa!!!
Hatur nuhun kana pangrojongna. Merdekaaaa!!!
DHIPA GALUH PURBA
saya bukan penyiar, tapi pendegar radio. tapi saya siap mendukung perjuangan para penyiar! lanjutkan melawan segl bntk anarkisme…
Ok, siapapun yang mendukung, saya menghaturkan banyak terimakasih.
DHIPA GALUH PURBA
Sok atuh penyiar teh ngahariji! lamun ngahiji mah pasti bakal kuat, moal aya nu kumawani culangung siga di Subang. uing ngadukung pisan da loba dulur uing nu jadi penyiar. malah sanajan teu boga dulur ogr, uing ngadukung pokona mah kang dipa!!! sok warah tah barakataktak birikitiktik teh, wanina ukur maen koroyok!!!!
Muhun sae sae, kedah ngahij. tapi ngahijina sanes kanggo ngarempug batur, tapi ieu mah dina raraga nambihan baraya, mageuhkeun tali silaturahmi, insyaAlloh…
DHIPA GALUH PURBA
Waktu maca seratan kang Dhipa, teu karasa aya cimata nyangkrung dina mata kuring nu bales ditonjokan ku jalma-jalma nu kasurupan. Duh, kuring reueus loba geuning jalma nu mere simpati ka uing. Haturnuhun pisan, kang Dhipa !
Kang, uing teh di radio lain saukur ngacabarak, tapi boga itikad hayang muka dialog, ngocorkeun kran aspiratif jeung balarea, jeung rahayat, ngenaan pasualan nu pakuat-pakaitna jeung “ka-Subang-an”.
Geuning, di radio teh rahayat nu salila ieu cicing, sontak aya kawani nyorakeun uneg-unegna, boh kiritik, boh pujian, boh kahayangna jrrd. Pikiran uing, da uing teh goreng2 oge nyakola, nyaho mana nu ngiritk jeung mana nu ngahujat, malah mah aya SMS ti Kasat Intel Polres Subang, kurang leuwih : “Menurut kajian intel kami, acara yang dibawakan oleh Abah Renggo di Radio DSS, masih dalam taraf wajar, bagus untuk mendorong kehidupan demokrasi di Subang”. Jadi, uing teh tenang tenang we. Apan lamun ningali siaran TV di sawasta ge geuning cara pro-kontra tawa nu ngandung kiritikan ka Presiden ge, dianggapna ge biasa we. Euweuh gajolak !
Tah didieu meureun urang bisa maca kumaha sepak terjang pemingpin nu model kitu ngenaan kasus tadi.
Geus lain rahasia umum, yen Juragan jeung kelompokna teh ngarasa “hareudang”, bisi ngarusak kana sora rahayat dina Pilkada engke. Tapi da ku uing ge geus nawaran ka Juragan dina acara Subang Makalangan teh, diajak dialog interaktip jeung rahayat.
Eh, da Juraganna ge nolak, bari nyarios kieu : “Saya mah teu perlu dialog model kitu, Bah. Teu perlu !
Da kabeh rakyat ge geus apaleun yen saya sebagai incubent rek nyalonkeun deui. 60% grass root geus aya ditangan saya. Jadi rek nanaonan……”
Heueuh, maksud uing nawaran ka Juragan teh supaya leuwih epektip jeung episien we, ngobrol interaktip di radio. Supaya rakyat ge bisa langsung ngedalkeun naon bae nu dipikahayangna. Ah, geuning rada hese rek ngawangun suasana demokrasi teh nya euy !
Duh, ieu teh masih loba uneg2 acan kakedalkeun….ngan waktuna asa samporet. aya kagiatan latihan teater jeung barudak.
Pami peryogi, uing nyimpen rekaman dialog Subang Makalangan dina CD durasina 2 jam, dialog ieu nu dianggap ku LSM Barakataktak nu memojokan Juragan.
Punten, bilih aya basa nu garihal.
Salam…ti pakaleran !!
Aduh…. kok saya baru dengar… turut berduka cita bah… saya nana supriatna… siswa sman 3 subang lulusan 2001….
cing enggal damang bah… saha sih jelemana… dikadek ku sayah geura… hehe (punten banyol…)…
nu jelas mah…. insya Allah pasti aya wawalesna ti gusti Allah….
apa bagusnya seorang penyiar radio yang menjelek-jelekan seseorang? apa yang seperti itu harus dibela?? buka mata kalian! salah bilang salah, bener ya bilang bener! jangan mentang2 sesama penyiar radio atau pendengar radio terus membela penyiar radio yang salah!
kata-kata nana supriatna yang “pasti aya wawalesna ti gusti Allah” betul! 100% betul!! sekarang si abah pernah gak ngejelek jelekin orang sampai begitu dalemnya sama kaya ke mang Eep? setau saya gak pernah. saya mau ralat ya, abah bukan mengkritik, tapi menjelekkan. seharusnya menjadi seorang penyiar radio itu harus menjaga kenetralan dia. bukan memperlihatkan dia memihak siapa. saya mengakui kalo orang yang memukulinya itu salah, seharusnya masih bisa bisa dibicarakan dengan baik2. maka dari itu, saling lah mengintrospeksi diri sendiri. satu pesan saya, jangan pernah menjelek-jelekan orang!!!!!!!!!!!!!! tau sendiri akibatnya. didunia tidak dibalas, Allah yang berperan.
Terimakasih atas tanggapannya. Namun tanpa anda sadari, anda pun telah menjelek-jelekan orang lain. Dalam hal ini, anda menjhelek-jelekkan Bah Renggo. Dan juga, kalau mau konsisten dengan tidak menjelek-jelekkan orang lain, janganlah pula membagus-baguskan orang lain. Saya hanya sepakat pada kalimat: Tunjukan yang salah, benarkan yang benar!
Siapa di dunia ini yang tidak pernah menjelek-jelekkan orang lain? Ketika seorang mubalig sedang menceritakan tokoh Abu Jahal, maka beliau pun akan menjelek-jelekan Abu Jahal. Mana mungkin beliau membagus-baguskan tokoh Abu Jahal. Jadi, menjelek-jelekkan orang lain pun tidak salah jika sesuai pada porsinya. Sebagai contoh lain, saya tidak mungkin membagus-baguskan seorang koruptor. Saya pasti menjelek-jelekannya. Karena kalau saya membagus-baguskan koruptor, bagaimana jadinya dengan adik-adik saya atau murid-murid saya? “Kata Dhipa, koruptor itu bagus. Jadi, mari kita korupsi!” Waaah… celaka negeri ini. Jangan sampai korupsi menjadi trendi! Jadi, menurut hemat saya, yang tidak boleh itu bukan menjelek-jelekkan orang lain, melainkan: MEMFITNAH ORANG LAIN.
Saya tidak bermaksud membela siapa-siapa meski profesi saya sama-sama penyiar dan guru seperti halnya Bah Renggo. Saya hanya MENGUTUK tindakan anarkis seperti halnya yang dilakukan rezim Hitler terhadap lembaga media massa yang selalu mengkritiknya. Tentang Bah Renggo, mari kita kaji lagi isi siarannya. InsyaAlloh saya akan berusaha mendapatkan rekaman siaran Bah Renggo, yang kemudian akan dihadirkan di situs sederhana ini.
DHIPA GALUH PURBA
No comment ah urusan batur ieu mah…..saha wae bupatina nu penting mah subang aman jeung leuwih maju deui da abdi mah rahayat leutik……. HORAS HORAS