Kategori: Saémbara Carpon | Diterbitkan pada: 03-07-2008 | 2 Komentar »

Samantasna maranehna arindit tuluy memeres saung jeung mareuman ruhay, sarua kuring oge rek balik. Sabot kitu, satukangeun saung kadenge aya nu ngagorobay diselang ku sora nungagorowok lir nu reuwas kadengena sora awewe. Ngadenge nu sarupa kitu, jeung inget kana talatah lalaki tadi. Rerencepan kuring ngalengkahkeun suku pikeun nganyatakeun ka satukangeun saung. Breh, aya awewe keur kokosehan dina susukan, manehna teu bisaeun hanjat. Tuluy ku kuring disangkeh na lelemah. Dibawa ka jero saung. Geus rineh mah jeung ngaduruk deui pangpung karak kuring tumanya kamanehna nu sederng nyempod di juru, bangun nu sieun.

Kategori: Saémbara Carpon | Diterbitkan pada: 03-07-2008 | Tak ada komentar »

Nu matak pikaheraneun pisan mah, basa keur poe kamari, tengah poe ereng-erengan salerea keur sedeng ngaso, teung timana jolna aya Nini rempo, bongkok bongkok acan tunggang iteuk, norojol ka imah. Padahal diwewengkon et amah euweuh pakampungan kitu oge tatangga. Manehna menta cai pikeun nginum hanaang cenah. Manehna ngabalakakeun kakeuheulna ka Dr, Samuel, nu geus kumawani ngarecah awak budakna. Dijieun praktek sanjan bari geus jadi bugang oge.

Kategori: Saémbara Carpon | Diterbitkan pada: 01-07-2008 | Tak ada komentar »

Teu, taya niat hayang datang manéhna mah, najan enya kasebutna ka bapa. Boro-boro hayang manggihan, ngadéngé ngaranna atawa ngabayangkeun beungeutna gé geus matak murel keur manéhna mah. Da unggal inget ka bapana, nu ngalangkang téh nyaéta kajadian-kajadian heubeul anu kulawu. Lain gambaran hiji bapa anu geus rarémpo, anu hayang patepung deui jeung anakna. Kaceuceub anu geus nyaliara mangtaun-taun téh dumadakan halirup deui

Kategori: Saémbara Carpon | Diterbitkan pada: 01-07-2008 | Tak ada komentar »

Kakara rék sabulan nyicingan imah ieu téh. Imah di jero gang saeutik, imah kadua ti sisi jalan. Rada nyingkur sabenerna mah ngeunaheun, teu kagiridig teuing ku balawiri motor-mobil. Ngan teuing kumaha mimitina, curugan imah tatangga hareup jeung daun jandélana murag kana buruan hareup imah kuring. Nu boga imah sok sangeunahna lang-lung miceun rupaning runtah ka buruan kuring. Mimitina mah teu opén ieuh, keun wé da bisa disapukeun. Lila-lila jadi keuheul, unggal isuk pasti nimu runtah, leuheung runtah biasa, apan ieu mah runtah geugeuleuh.