Kategori: Sajak Sunda | Diterbitkan pada: 03-12-2009 | 1 Komentar »
Sajak RIZAL SABDA
Karasa ayeuna mah Yan
lalampahan téh geus natrat
kajeueung di péngkolan
bulan béngras kénéh
nyaangan léngkah gejed urang
nu ngandelkeun gandeuang basajan
Yan bulan masih nu baheula
najan cahyana dicangkalak katunaan
wirahmana angger marengan réngkak urang
nu éstu rimbil ku harepan nu can kalakonan
Dimuat dina Mangle No. 2196
Kategori: Sajak Sunda | Diterbitkan pada: 03-12-2009 | Tak ada komentar »
Sajak YOUS HAMDAN
Layung, ka mana layung
basa girimis nyandet urang di saung
satengahing pajaratan
basa réngsé ngurebkeun layon
Diriung parentul batu tutunggul
sakapeung urang pating gerendeng
mimindengna ukur ngaheneng
diranggeum keueung
Jeung burit beuki reupreupan
-Saha heula
anjeun heula kuring heula? cék anjeun harita
-Teu kudu paheula-heula
dawuh cunduk mun pareng giliranana, -tembal kuring
asa-asa
Basa angin ngahiur ngawurkeun sawér cihujan
jeung seungit kembang samoja
bulu punduk naha […]
Kategori: Sajak Sunda | Diterbitkan pada: 03-12-2009 | Tak ada komentar »
Sajak TONI LESMANA
Ngimpleng-ngimpleng pangreureuhan
Sabot damar sakarat. Boa lebah janari
Dina dzikir reumis
Lebah sora ajag nu pamungkas
Ngimpleng-ngimpleng pangreureuhan
Sabot damar sakarat. Boa lebah balébat
Dina salambar halimun
Lebah sora manuk munggaran
Ngimpleng-ngimpleng pangreueruhan
Damar saukur dadamaran
Da léngkah geuning tuluy lumampah
Boa moal kungsi reureuh: apan tatu tacan kénéh liput!
Dimuat dina Mangle No. 2164
Kategori: Sajak Sunda | Diterbitkan pada: 03-12-2009 | Tak ada komentar »
Sajak DARPAN
Manéhna sok ngahajakeun datang ka dinya
nyawang layung nu warnana tetep nu éta
teu ngijih teu halodo konéngna matak kabita
Manéhna teu bosen imut salila layung mulas langit
siga milu bungah nganteurkeun panonpoé nu rék tibra
padahal haténa kawas walungan Cikandang
teu weléh bangreung
Waktu layung leungit di Cikandang
diseuseup hawa burit nu alum
dipiceun deui hawa dibarung geter
Tuluy manéhna lunta
jajap […]
Kategori: Sajak Sunda | Diterbitkan pada: 03-12-2009 | Tak ada komentar »
Sajak Tiwi Sonia
Sabot ngeunteung sajongjonan
kuring pangling kana panon sorangan
neuteup anteb
geuning simpé dina héas-héas paneuteup
nu pinuh rasa guligah
cahya teu weléh nyorot tina kongkolakna salila ieu
geus lila pareum
kakeueum reureueuk ti leuwi ati
Dimuat dina Manglé No. 2129
Kategori: Sajak Sunda | Diterbitkan pada: 03-12-2009 | Tak ada komentar »
Sajak Nazarudin Azhar
: Sarah Brightman
Di hiji musieum
leungeun anjeun robah jadi lilin beureum
ngusap peteng nu sumerah
ka cahaya nu nampanan kaguligah
sakabéh sarah sanggeus kapalidkeun angin
ukur tiba ka muara nu saat walunganana
implengan beuki jauh tina lambak pangbagéa
ngahunyud jadi sakadar catetan
ladang nyungsi impian teu kasurahan
maridang deui dalingding puisi tingtrim
sanggeus peuting di luareun ieu sukma
ukur jempling nu geus […]
Kategori: Sajak Sunda | Diterbitkan pada: 03-12-2009 | Tak ada komentar »
Sajak Sarabunis Mubarok
Suku gunung tiporos ka biwir lamping
pataréma jeung méga nu ngarandakah
kasieup layung nu mapag poékna peuting
nu ngalangkang di buruan ésé mata
pawinian pelak cinta, pelakna keclak cimata
Lebah bilik, aya nu gegerendengan
mulas rasa nu raheut kakését hinis
ngaping diri nu ngijih hujan doraka
majar hirup téh ngan dipirig kacapi
ngahariring hawar-hawar ngagentra boéh […]
Kategori: Sajak Sunda | Diterbitkan pada: 03-12-2009 | Tak ada komentar »
Sajak Rosyid É. Abby
Geus dicatet na tetelar mangsa. Dicatet dina méga-méga di langit. Di bumi; wéker,
jam dinding, jam tangan… jarumna muter
detik
demi
detik…
Senén pasosoré. Enya, geus dicatet na sajarah kiwari. Senén pasosoré; laut basisir
Kidul Pulo Jawa
nagih jangji pasini nu geus diguratkeun dina catetan ilahi
lambaran
[…]
Kategori: Sajak Sunda | Diterbitkan pada: 03-12-2009 | Tak ada komentar »
Sajak RIZAL SABDA
Montong nyarita ngeunaan logika
Lamun diri can siap nandangan kanyenyerian
Da kapan ari hirup téh lir ibarat sora dulag
Keur wayah pada narabeuh dihaja-haja pada nyararék
Montong ngarasa diri baroga jasa
Sangeunahna kumagungan meunang di kula
Kapan ari hirup mah lain saulas sausap kecap
Sagalana kudu jeung rasa ngarah hirup teu matak
Nandang tunggara
Najan batu-batu gunung kiwari geus jadi […]
Kategori: Sajak Sunda | Diterbitkan pada: 27-06-2009 | 1 Komentar »
Galindeng kalam Ilahi
Ti saban munara masjid
Meupeus simpé wanci janari
Ngageuing ati
Ngahudang rasa rumasa
Diri anu lamokot ku dosa
Sadrah mundut pangampura Gusti
Tina sagala lampah nu salah
