Kategori: Dangding | Diterbitkan pada: 05-01-2008 | 1 Komentar »

(Sinom)
Ku DHIPA GALUH PURBA

Sora bedug hawar-hawar
Datangna ti lebah masjid
Ditéma ku sora adan
Écés ti munara masjid
Ngageuing nu can éling
Ngingetan anu kasarung
Ngagugubrag nu can hudang
Ngajak sumujud ka Gusti
Pasrah sumerah ka Nu Maha Kawasa

Aya sora nu ngadulag
Diselangan ku nu takbir
Ting-alocrak suka bungah
Mapag bulan idul fitri
Hayang paginding-ginding
Ngadu jumlah eusi saku
Harta pada muja-muja
Poho kana temah wadi
Aya kénéh nu […]

Kategori: Dangding | Diterbitkan pada: 03-01-2008 | 4 Komentar »

(Kinanti)
Ku DHIPA GALUH PURBA
 
Ngemploh héjo Banjarwaru
Tinggarupay di basisir
Amparan samak di Simpar
Mapag léngkah nu kasilih
Carita embung lekasan
Ngagurat jangji pasini
 
Cambéwék ibun Panjalu
Mawa nyawang hiji asih
Nusa lir medar carita
Langit ngajerit ka bumi
Jagat ngocéak ka apah
Basa éling anjeun leungit
 
 
Sekar Tandak:
Mawa uyah dina gelas
Susuganan jadi ubar
Carita ulah dipungkas
Sono kénéh Kembang Simpar
 
Na saha nu mobogana
Kabaya teu maké kancing
Di mana atuh […]

Kategori: Dangding | Diterbitkan pada: 01-01-2008 | 1 Komentar »

(Asmarandana)
Ku DHIPA GALUH PURBA
 
Nu nanceb dipusti-pusti
Aya sirung teu kembangan
Lantaran poho ngalongok
Katumbiri méré béja
Rék datang sandékala
Euntreup kana eusi nyiru
Da napian salah mangsa
 
Béas beunyeur katut bangsal
Geuwat pisahkeun ayeuna
Bisi kabobodo ténjo
Paur kasamaran tingal
Mending ngampar sajadah
Mapag Nyi Purnama imut
Sandékala bakal ngejat
 
 
Sekar Tandak:
Boa-boa nya ki boa
Sandékala mapag pati
Rupa-rupa nu tumiba
Urang nu kurang tarapti
 
Bulan ngempray di wiati
Kalapa ulah diala
Pasrah ka […]

Kategori: Dangding | Diterbitkan pada: 07-10-2007 | 1 Komentar »

—Asmarandana
kU DHIPA GALUH PURBA
 
Balaka sisi basisir
Mangsa mongkléng alam rasa
Malébér galura sono
Mupus nirca mangsa lawas
Catetan kungsi sasab
Basa raga tacan lawung
Méméh haté budal cinta
 
Ngarénjag pinuh kagimir
Neuteup angkeub semu melang
Lalakon sigana pondok
Tapak lampah ngudag-ngudag
Amarah ningker urang
Ngabebela hurung ngempur
Hamo pareum disimbeuhan
 
Kapaksa anjeun ngalengis
Bari lunta nyiar jalan
Nyingkahan pakéwuh manco
Muntang pageuh hajat cinta
Cimata ninggang taktak
Muru gerot alak paul
Jajap anjog katingtriman
 
Paneuteup kedal […]

Kategori: Dangding | Diterbitkan pada: 21-09-2007 | Tak ada komentar »

Ku DHIPA GALUH PURBA
 
Purnama di Panyileukan
Caang mabra pinuh asih
Sari-sari milu bagja
Mangsa tepung dua ati
Ngedalkeun hiji pasini
Sanajan bari ngarahuh
Ngaguar carita mangsa lawas
Ngait nepi ka kiwari
Asih téh horéng tos aya nu miboga
 
Rasa dosa nyaliara
Tapi asih nguwak-ngawik
Pabéntar rasa na dada
Asih pamohalan bari
Beurang peuting asih ngancik
Najan wiati kulawu
Najan purnama geus ilang
Asa hamo jalir jangji
Taya nu bakal megatkeun asih urang
 
Ranggon […]

Kategori: Dangding | Diterbitkan pada: 18-09-2007 | 1 Komentar »

(Asmarandana)
Ku DHIPA GALUH PURBA
Puadé reumbeuy malati
Caang mabra béngras rasa
Pangantén nulakan panto
Anjog kana ranjang cinta
Impian nganjang dunya
Najan kudu nganti tepung
Geusan nyorang alam anyar

Saksina bulan nu suci
Nunda wanci panganténan
Namperkeun rasaning sono
Apan cinta kebek ihlas
Dipahing salah usap
Ulah ngasuh hawa napsu
Geugeut deudeuh budak urang

Nyorangan peuting kahiji
Tingtrim ati pasrah raga
Nyanggakeun nu sarwa bodo
Bagja cinta muga manjang
Mung Gusti […]