Kategori: Sajak Sunda | Diterbitkan pada: 27-06-2009 |
Ku Dhipa Galuh Purba
Nun Gusti Nu Maha Asih
Mundut widi abdi seja susuci
Sumujud nundung laku lampah salah
Sumerah salaksa bayah
Dina amparan sajadah
Panggugah hidayah
Ka Anjeun masrahkeun diri
Nyanggakeun sadaya-daya
Galindeng kalam Ilahi
Ti saban munara masjid
Meupeus simpé wanci janari
Ngageuing ati
Ngahudang rasa rumasa
Diri anu lamokot ku dosa
Sadrah mundut pangampura Gusti
Tina sagala lampah nu salah
Duh Gusti Robbul Izati
Mugi Gusti nampi tobatna abdi
Detik ieu seja ngubur tapak diri
Nu tos hilap ka temah wadi
Nu teu tumut ka Nu Agung
Ampun, Gusti…
Endah
sae pisan eta isi sajak Ampun, Gusti …………….. mugi akang kersa pang damelkeun sajak anu ngeunaan menta hampura kanu jadi indung. hatur nuhun kang sa teu acanna